
Dili, Radio Online, “Timor iha Saham 20%, Tenke hare’e no halo diskusaun, laos Ministeriu nian deit maibe ho finansas, nia implikasaun iha kustu ne’e, tenki diskusaun klean antes hola desijaun ida, levanta ba iha konselho ministru tamba kustu de involvementu osan, ita bo’ot sira hatene katak kontratus mais de singku milioens tenki ba konshelo Ministru hotu, e menus singku Milioens mak iha Primeiru Ministru, Ami iha poder un miliaun deit, tantu ida ne’e mak tenki iha diskusaun ida klean teb tebes”, dehan Ministro Obras Publiku no Transporte e Komuikasaun Gastao Souza, iha Kuarta 18/2/2015 iha Salaun MOPTK, Kaikoli.
MOPTK Gastao hateten, “Governu Timor iha kapasidade para bele hola maibe tenki iha estudu ne’ebe ke diak, e tenki hare ita nia rekursus humanu iha kapasidade para bele halo gestaun ba futuru, ita hakarak hola, tenki iha benefisiu mos ba Governu, se hola deit para taka, ne’e ekonomikamente, finanserumente ba viavel”.
Iha Fatin Hanesan Eis Ministro Transporte e Komunikasaun Pedro Lay hateten, “Formalmente ita sidauk simu dehan sira atu faan, maibe ita rona sira iha ona intensaun maibe ofisialmente ita sidauk simu karta, ita hatene liuliu Portugal Telkom halo enerjia tiha ho Brazil, ne’e mak sira dehan katak talbes iha Afrika no Azia nian ne’e, sira atu husik, mais ita sedauk hatene, ita sei hein, se sira atu faan buat ida, sira tengki konsulta ho ita nia autoridade uluk lai, ne’e lei, sira tenki konsulta”.
