Persija Moderniza ona Ekipamentus Servisu Operasionais Bombeirus

Dili, Radio Onlne, Ministro Interior Longinhos Monteiro halao enkontru ba dahuluk ho  Funsionariu Bombeirus  hodi planea servisu Bombeirus nian, iha Kinta-feira(19/2/2015) iha Salaun MInisterio Interior Kaikoli.

Ministro Interior Longinhos Monteiro hateten Servisu Bombeiros Importante tebes inkorpora responsabilidade ne’ebe bo’ot ba iha situasoens dezastre no seluktan, iha nivel Nasional, “Ministro interior sei konsolida servisu sira ne’e ho diak, maibe antes konsolida persiza hatene uluk lai situasaun atual ba servisu ida ne’e, atu nune’e bele halo sasukat ida ba situasaun sira ne’e  ho ita nia kapasidade ne’ebe mak iha”, dehan Longinhos.

Longinhos hateten tan, “servisu sira ne’e servisu ne’ebe tenke iha rezerva autosufisiensia boot bele ezerse funsaun  ba Kualker situasoens operasionais ne’ebe mosu iha terrenu, inkorpora mos ho servisu sira seluk Governu nian iha Kualker nivel”, tenik Longinhos.

Iha Fatin hanesan Direktor jeral Operasionais Domingos Pinto hateten instituisaun  Bombeirus ne’e instituisaun operasional tenke iha ema ho meius operasional, “husu atu moderniza ona ekipamentus sira ne’ebe servisu opersionais sira uja, tamba ekipamentus sira ne’ebe dadaun uja laos tempu ona, atu uja nafatin ekipamentus hanesan kareta tanki be’e nia, ita persija kareta propriu ba ahi nian duni”,dehan Domingos.