Dili, Radio Online, “Hau fo hau nia apresiasaun bo’ot ba belun jornalista sira ne’ebe mak hatama sira nia pesa, Nune’e sei hatene se mak diak entre diak sira ne’ebe mak iha, eventu ida ne’e signifikante tebes, hodi fo motivasaun, apresiasaun ba obra jornalista sira nian iha Timor Leste”, dehan Tito Filipe, Presidenti Asosiasaun Jornalista Timor Leste AJTL iha AJTL Award 2015 , ne’ebe realija iha loron 21/2/2015, iha salaun Delta Nova, Dili.
Sekertariu Estadu Komunikasaun Sosial, Nelio Isac iha nia deskursu hateten, “Ohin ita senti orogulhu tamba ita hahu fo onra ba Timor oan sira ne’ebe halo profisaun iha ida idak nia knar, ohin ita hotu hatene ita atu mai valorija ba Timor oan sira ne’ebe mak servisu iha area jurnalismu, iha faje hahu dejenvolve an, ita komesa hatene ona atu dejenvolve ita nia rai, laos depende deit ba Guvernu ka Estadu ida ne’e maibe instituisaun sira ne’ebe fas parte iha estadu ida ne’e, komesa hahu hatene nia papel atu fo rekunhesementu de servisu ba sira ne’ebe iha kapasidade iha area spesifiku liu liu hanesan area jornalista nian”.
Presidenti de Juri AJTL Award 2015, Virgilho Gutteres haktuir mos rejultadu award ne’e hanesan “Sira ne’ebe manan iha AJTL Award ne’e kategoria ba parte tolu hanesan audio visual televijaun, permeiru lugar Albertu da Costa Ribeiru husi TVTL ho total valor 549 titlu pakote “Uma Ita Nian”, Almeru Santos husi TVTL, hetan segundu lugar ho valor 341 titlu pakote “Remodelasaun no Rejignasaun PM Kayrala Xanan Gusmao”, Terseiru lugar okupa husi Orasio, husi TVTL, ho total valor 446 Titlu pakote “Mota Bandeira Ho Nia Furak.
Kategoria audio radio, permeiru lugar Amitu Araujo husi RTL HO VALOR 591, titlu feature “Trabaliador Infantil”, segundu lugar Maria Bibel husi Radio Liberdade ho valor 578, titlu feature “Violensia Domestika No Kontra Hahalok Violensia Domestika”, terseiru lugar Eliu Lobatu husi RTL ho valor 574, titlu feature “Dun Malu Buan”.
Kategoria jornal, permeiru lugar Joana da Cruz husi Jornal Independenti ho valor 578, titlu feature “Rojentina Nia Orasao”, segundu lugar Raymundu Oki, husi Jornal Timor Post ho valor 504, titlu feature “Nungka Hatete Sai Kuandu Tanis Iha Eskola”, terseiru lugar Agustu dos Reis ho valor 483, titlu feature “Haraik Grasa Fo Bensaun Mai Ami”.
AJTL Award 2015 ne’e apoiu husi Sekertariu Estadu Komunikasaun Sosial SECOMS ho parseiru midia AJTL, Timor Post no Radio Liberdade e International Federation of Journalist
