Longuinhos : Persiza Hadia Sistema Kontrolu Servisu Imigrasaun

Dili, Radio Online, Ministro Interior Longinhos Monteiro Halao enkontro ho Polisia Imigrasaun hodi halo planu ba sistema Kontrolu servisu imigrasaun nian, iha Segunda-Feira 23/2/2015, iha Salaun Ministeriu Interior, Kaikoli.

Ministru Interior, Longinhos Monteiro imforma servisu imigrasaun importante tebes faz parte mos husi sistema integradu seguransa nasional nian, servisu ne’e reprezenta estadu atu kontrola movimentu fiskalizasaun ba ema sidadaun estranjeiru ne’ebe tama sai iha ita nia rai.

“hau fiar katak sistema ne’e sei lao diak maske sei iha difikuldade iha parte kontrolo maibe sei tenta para ba oin atu hadia sistema ne’e diak liu tan”, dehan Longinhos.

Ministro Interior Longinhos akresenta tan Imigrasaun persiza kontrola didiak  mos tipus vistus Pasaporte (Visa) ho diak. 

“Trabalhadores  estrangeirus sira mai ita nia rai sai hanesan problema ida  servisu imigrasaun konfronta enfrenta tamba ita seidauk iha mekanismu diak ida atu asegura  sistema kontrola ne’ebe diak”, tenik Longinhos.

Aleinde ne’e iha Fatin hanesan Direktor Jeral Servisu Imigrasaun Jose da Costa hateten ema estranjeiru halo falsifika mos ba pasaporte Timor nian, tamba ne’e atu hadia mos sistema halo Passaporte.

“husu ba parte Justisa ne’ebe halo passaporte atu identifika didiak wainhira iha ema ruma ba halo passaporte, tamba ema estranjeiru halo falsifika passaporte Timor iha Nasaun seluk”, dehan Jose.

Jose dehan tan “persija hadia mos Vistu Passaporte ema estranjeiru nia, atu labele halo konfuzaun ba ema servisu imigrasaun, tamba dadaun ne’e traballador estranjeiru sira mai uja Visa turista to’o fulan tolu mak muda ba Visa Trabllador”.