L7 : Mauk Moruk ho Xanana Tenke  Diak Malu Hodi Garante Estabilidade ba Povu

Dili, Radio Online, Maun Xanana Gusmao ho Mauk Moruk tenke bolu malu fali hodi resolve sira nia problema, dehan L7 iha Kuartel Polisia Distrital Dili Kaikoli.

Cornelio Gama alias L7 hateten problema Maun Xanana ho Mauk Moruk desde iha Ailaran to’o agora, bainhira los mak Xanana atu bolu Mauk no Mauk mai hasoru Xanana.

“husu ba maun nain rua atu bolu malu fali hodi buka meius oinsa hodi resolve sira nia problema no koalia ba malu diak fali hodi garante estabilidade ba povu no labele halo terus tan povu”, dehan L7.

L7 salienta tan se maka sala ka se mak loos, tur hamutuk hodi resolve didiak, “Hau rasik lahatene Sala ne’e saida, entre Maun Xanan ho Mauk Moruk, uluk sira lakohi ona halo krime mak sira duni sai tropas, maibe tambasa mak agora sira nain rua mak halo fali krime”.

Aleinde ne’e, Iha fatin seluk, Komandante jeral Interinu Afonso de Jesus hateten, “Situasaun iha saelari postu administrativu Venilale Munisipiu Baukau lao diak no kontinua halo operasaun, ne’e papel polisia nia atu buka tuir autor sira ne’ebe viola Lei ou kontra regras no halo mos aprosimasaun ba grupu Mauk Moruk  atu bele fila fali mai hodi hataan iha justisa ba krime ne’ebe sira komete tiha ona”.