Povu Seloi Kraik Prekupa Kazu Mauk Moruk

 

 

Aileu, Radio Online - Povu Seloi kraik postu Administrativu Aileu Vila Prekupa Kazu mauk moruk nebe mak uluk tama prizaun maibe laiha desizaun sai husi prizaun ikus mai hamosu fali problema nebe halo povu tauk ba seguransa.

Tuir Komonidade Seloi kraik inkliu membru Sagrada Familia Narcisio Mendansa katak komonidade prekupasaun problma mauk moruk ninian tamba uluk tama iha prizaun laiha deszaun husi tribunal nia sai husi prizaun ikus mai kria tan problema maibe oras nee’e laiha ninia paradeiru.

“ Ami iha Area rural prekupa Problema mauk moruk ninian no ami tauk hodi halo servisu tamba uluk Mauk Marok tama Prizaun sai tiha ikus mai nia halo tan problema maibe too oras siedauk kaptura,” dehan Narcisio liu husi Dialogu antre Prezidente Republika Taur Matan Ruak ho Komonidade Tersa (24/02/2015).

Hatan ba prekupasaun nee’e Prezidente Republika Taur Matan Ruak hatete problema Mauk Moruk no Sagrada Familia kestaun ketak tan nee’e lahanesan maibe Prezidente Fiar mauk Moruk mos iha Ailaran nebe sei laestraga nasaun.

“ Mauk Moruk mos ema gerileiru ida iha ailaran nebe tidak mungkin Mauk Moruk Estraga Nasaun, hau husu husu lalika prekupa Mauk Maruk tenki halao servisu nafatin,” dehan Taur.

Taur hatete tan katak nia parte lafiar Segrada familia fahe malu tan nee’e husu atu servisu nafatin tamba mauk moruk ho sagrada familia ninia kestaun la hanesan nebe lalika prekupa maibe prekupa mak moris loron-loron ninian. Kazu Mauk Maruk ninian oras nee’e Polisia nasional Timor Leste kontinua buka tuir hafoin halo Mauk Moruk Halo Kapturasaun no hakanek polisia Nasional Timor Leste.