Komunidade ejiji ba Guvernu atu labele taka programa PNDS

Aileu, Radio Online, Xefe Suku, Madabeno, Munisipiu Aileu, Fransisco Rodrigues Perreira, ejiji ba guvernu atu labele taka Programa PNDS (Programa Nasional Dezemvolvimentu Suku) tamba nia implementasaun diak iha baze no fo benefisiu ba povu iha area remotas.

Xefe suco ne’e hato’o ejijensia ba Prezidente da Repúblika, Taur Matan Ruak, atu informa ba guvernu, labele taka programa PNDS nia implemetasaun iha Baze responde preokupasaun povu nian.

“husu ba xefe estadu atu informa tutan ba guvernu, labele hapara programa PDNS tamba fo Benesiu mai ami no ajuda ami, realidade konstrui edefisiu Suku Madebeno nia” dehan Fransisco Pereirra iha loron Tersa Feira 24/02/2015, hafoin hetan viizita husi prezidente da Republika hodi halo dialogo ho komunidade iha suku refere.

Nune’e mos diologo ne’ebe hanesan hala’o iha suku Madabeno, Aileu Villa, Xefe xefe Suku, José Costa, husu ba Prezidente da Republika no oragaun kompetente atu labele hapara programa PNDS tamba povu iha suku refere senti duni dezemvolvimentu liu husi prejensa PNDS .

Hatan ba preukupasaun ne’e , Xefe Estadu, Taur Matan Ruak, hateten programa PNDS sei suspende hela tamba guvernu foin dadauk mak halo transisaun tan ne’e presija iha buat balun ne’ebe mak hadi’a.

“programa PNDS ne’e suspende deit, laos hapara no halakon, tamba ne’e organiza husi V guvernu konstitusional ba VI guvernu tan ne’e sei halo tranjisaun hodi hare didiak kestaun hiran ne’e ” dehan Matan Ruak.

Iha prezidente nia vizita iha suku rua ne’e, Xefe estadu halo mos inagurasaun ba sede suku ne’ebe konstrui husi PNDS.