PM Vizita Ministeriu Defeza Hodi Haree No Rona Prekupasoins

Dili, Radio Online, PM halo primeira vizita ba Ministeriu Defeza, Fatuhada, hodi haree no rona  prekupasoens sira ne’ebe mak  Ministeriu Defeza enfrenta, iha Tersa 24/2/2015. 

Ministru Defeza Cerilho Cristovao, informa ba jornalista sira katak “vijita ne’e koalia konaba Postu sanolu resin-ida ne’ebe mak balun seidauk konstrui no nessesidade baziku ba FFDTL sira e formasaun ou kapasitasaun ba FFDTL sira, atu sai Forsa ne’ebe Professional no iha kualidade diak liu”.

 “Iha Lei normalmente Forsa ho idade 60 hetan reforma, maibe ita hatene katak ita nia Forsa laos espesifiku, uluk mai husi forsa gerilieru nian, too ohin loron sei hare para ajusta, ita sei persija ita nia lider sira ou komandante sira ne’e, para asegura lalaok dezenvolvimentu Forsa nian”, informa Ministru Defeza, Cerilho Cristovao.

Tuir nia “planu reforma Forsa FFDTL sei realiza iha fulan Augusto tinan ida ne’e (2015), VI Governu kontinua deit aktividade balun ne’ebe planu nanis ona husi V Governu”.