Importante Atu Parte Hotu Komprende Nia Papel Iha Responde Situasaun Emergenjia

Dili, Radio Online, “Importante ita bele aprende no bele hatene, oinsa atu responde, saida mak diak tebes para bele fo ba ita nia maluk sira iha situasaun emergensia nia laran”, dehan Ministra Solidaridade Sosial, Isabel Guiterres. iha nia deskursu loke Ejersisiu loron rua kona ba mekanismu responde situasaun emergensia, iha salaun konferensia A, UN, Kaikoli 25/2/2015.

Cnut husi organijasaun OCA-UN nudar fasilitator no organijador principal ba sesaun ejersisiu loron 2 ne’e hateten “ejersisiu loron 2 ne’e atu hasae ita nia kapasidade para bele responde ba situasaun emerjensia, importante ita hotu bele halo sering ba ida ne’e no hanoin katak se ida ne’e mak situasaun emergensia lolos duni saida mak ita ou ita nia organijasaun bele kontribui”.

“Ejersisiu liu husi simulasaun simples lori ita komprende lalais, saida mak ita bele kontribui wainhira hasoru situasaun emerjensia iha ita nia rai laran”, dehan partisipantes balun ne’ebe mai husi organijasaun nao governmental nasional iha sesaun vox pop ba jornalista radio liberdade. 

Ejersisiu loron rua ne’e, partisipa husi organijasaun nao Govermental nasional no internasional, Governu, FFDTL no PNTL e Bomberus, organijasaun midia hanesan TLMDC no jornalista sira husi midia Timor Post no Radio Liberdade ho total partisipantes maijumenus 170.