Aileu, radio Online, Estdatu Timor Leste Presiza hadia sistema kada institusan no mos problema veteranu nebe mak sei lori problema bo’ot ba Timor Leste
Tuir prezidente republika Taur Matan Ruak, katak Koalia kona ba Problema veteranus ne’ebe mak akontese iha rai laran kada tinan sempre aumenta, “Problema veteranu problema bo’ot tamba hafahe ema, sira simu osan no la simu osan, hare malu matan la mos no sustenabilidade estadu, bele ka lae aumenta osan ba veteranus”, dehan Taur liu husi Dialogu ho Komonidade iha Suku Kotolau postu Administrativu Laulara, Munisipiu Aileu, iha Segunda feira 23/02/2015.
Iha fatin hanesan Afonso Moniz Oliveira hanesan komunidade Suku Kotolau inklui Komandante Ailaran kestiona katak iha balun nebe mak uluk tempu funu haruka tun sae ai laran, oras nee’e lahetan osan veteranu maibe balun ne’ebe mak la funu hetan osan veteranu ninian.
Nia husu ba Parte kompente atu hare no investiga halo didiak ba problema nebe mak mosu.
Nune’e mos komunidade Filipe Moniz husu ba Prezidente Republika atu hari Monimentu loron 10 Juñu iha suku kotolau atu nune ‘e kada tinan bele selebra akontesmenetu Juñu ne’ebe mak akontese iha Area Suku Kotolau ninian.
