Estrada sai  preukupasaun ba suko Lauisi

Aileu, Radio Online, Xefe Suku, Lauisi, Postu Administrativu Aileu Villa, Munisipiu Aileu, Domingos Mendes, Hateten Estrada sai preukupasaun ba komunidade sira iha suku refere tamba kondisaun Estrada ladun diak.

Xefe suco iha nia  intrevista hateten iha suco, Lausi iha potensia ba hortikultura, no kafe,  povu maioria mak moris iha vida horticultura nian maibe susar ba komunidade sira atu fa’an sira nia modo iha merkadoria tamba sstrada ladun diak.

“ami suku lausi ami nia riku soin esensial mak hortikultura no kafe, no ami nia rikunsoin balun ne’ebe mak sei abandona, tan ne’e ami husu ba Ministériu kompetente atu apoiu ami ho fo asesu estrada ba ami atu ami bele lori ami riku soin sira ne’e ba fa’an iha merkadu”, dehan xefe suku, iha kuarta Feira 25/02/2015 iha xede suku Lauisi.

Iha biban ne’e Xefe Estadu Taur Matan Ruak hateten, “Laos imi deit mak preukopa ba asesu Estrada maibe problema ida ne’e sai problema nasional, imi sei iha kondisaun ne’ebe diak netik, maibe hau ba fatin-fatin iha suku balun hau lao ain deit , ida ne’e dever estadu nian tenki tau matan duni ba problema hirak ne’e”.

Total populsaun ne’ebe mak iha suku refere hamutuk nain 1278.