PR Taur Apresia ba Dezemvolvimentu iha Munisipiu Aileu

Aileu, Radio Online, Prezidente da Republika, Taur Matan Ruak aprezia ba dezemvolvimentu iha Munisipiu Aileu, tamba iha munisipiu refere, iha mundansa maka’as iha area Dezemvolvimentu.

Xefe Estadu iha nia vizita ba suku Holau,  Postu administrativu Aileu Vila, Munisipiu Aileu, Kinta feira, 25/02/2015,  hateten durante vizita, besik semana ida iha Munisipiu refere, iha dezemvolvimentu ne’ebe mak avansadu no suku sira ne’e hotu-hotu  asesu ba be’e mo’os no kuaze  75% mak asesu ona Eletrisidade.

“hau kontente mai vizita iha Munisipiu Aileu, tamba imi iha mundansa maka’as iha area dezemvolvimentu, iha hau nia vizita ba ida ne’e hamutuk suku hitu (7) inklui  mos imi nia suku ona maibe iha suku hotu iha asesu ba be’e mos no elektrisidade”, dehan Prezidente Taur Matan Ruak.

Xefe estadu mos informa ba Aldeia sira ne’ebe mak balun seidauk asesu ba iha elektrisidade katak “Imi lalika deskontente, hau labele promete ba imi  katak  hafoin hau nia vizita no iha hau nia mandate, imi asesu kedas eletrisidade, lae, maibe hau fiar katak loron ruma imi hotu sei asesu ba elektrisidade”.

Xefe Estadu hateten, 25% ne’ebe mak seidauk asesu elektrisidade ne’e tamba kestaun dook, balun iha foho leten, tan ne’e guvernu sei hare didiak kestaun hirak ne’e

Nia enkoraza nafatin ba komunidade iha suku Holau ne’ebe mak seidauk asesu ba elektridade, hodi hein loron ruma sira mos asesu ba iha elektridade.