Dili, Radio Online, Presidente Republika Taur Matan Ruak apoiu Timor Leste lidera Confederação Emprezarial –Comunidade Pais Lingua Portugues (CE-CPLP).
Presidente CE-CPLP, Jorge Manuel De Araujo Serano dehan, Lori strutura Confederasaun Empreza -CPLP mai komprimeta Presidente no mai informa ba Presidente Republika konaba Timor Leste lidera Presidensial CE-CPLP.
“Ami mai hasoru Presidente Republika hodi informa eventu CE-CPLP nia ne’ebe ita halo ona hodi hatudu ita nia forma atu servisu hamutuk no Presidente Republika fo apoiu tomak“, dehan Presidente CE-CPLP hafoin inkotru ho PR Taur iha Palasiu Presidente –Aitarak Laran Dili, 02/03/2015.
Tuir nia, Presidente Republika ho gabinete Presidensial pronto atu servisu hamutuk ho CE-CPLP ne’ebe lidera husi Timor Leste.
“Gabinte Presidensial Republika Prontu atu servisu hamutuk ho Confederação - CPLP ne’ebe agora Timor Leste mak lidera hamutuk ho ita nia Estadu ne’ebe agora kaer CPLP hodi bele servisu hamutuk atu nune’e iha tinan 2 ita bele halo CPLP halo buat barak iha Ita nia rai ne’e”, nia promete.
Nia afirma, Ekipa tekniku CE-CPLP ho Presidensial Republika no Governu inklui Emprezariu TL atu realiza setor importante balun iha TL.
“Presidente Republika fo mos ponto de vista balun ba ita nia bainaka kona ba kondisaun ita nia rai laran rasik no setor Privadu lao halo nusa inklui ita nia rai mos sei lao halo nusa ne’e Presidente koko atu loke ita nia realidade Timor Leste iha”, nia firma.
Presidente CE-CPLP ne’e akresenta, Programa Perioridade dahuluk ba mandatu tinan 2 ne’e sei promove setor Privadu Timor Leste.
“ita pais foun ita tama iha pais CPLP ita buka mos Promove ita nia setor Privadu atu atrai mos investimentu ba ita nia rai no mos karik ita nia maluk balun iha kondisaun bele investe mos iha Pais CPLP nian laran”, dehan nia.
