Dili, Radio Online - Liu husi sesaun plenaria, Segunda ohin, Deputado Leonel Marcal husi Bankada Fretilin, kestiona konaba iha V Governo, SEPI, ladun iha koordenasaun diak ho ponto focal sira iha distrito.
“Liu-liu ba apoiu ne’ebe mak husi Governu fo ba grupu feto , grupo feto balun hetan apoiu, iha kuinesementu husi Pontu Focal Distrito, maibe Dirasaun Nasional husi SEPI ninian ne’e fo mos apoiu ba grupo balun ne’ebe mak la iha kuinesementu iha distrito “, dehan Leonel.
Nudar reprejentante povu iha uma fukun Parlamento sira husu ba Sekertaria Estadu foun atu ida ne’e la akontese .
Liu husi plenaria ne’e, Deputada ilda maria da conceicao husi komisaun F ne’ebe mak trata asuntu Saude, Edukasaun no Jeneru mos haforsa katak “kolia konaba apoiu osamentu husi SEPI ne’ebe mak fo ba grupo feto sira iha distrito, tuir komisaun F nia fiskalizasaun foin dadauk ne’e, iha lista de proposta ne’ebe mak sira hatama, grupo ne’e tau sucu ida nia naran maibe chefe sucu la hatene” afirma Ilda.
Nune’e husu bainhira hato’o ka hatama proposta tengki tau lolos suco fatin hela.
