Dili, Radio Online, Director Organizasaun Non Governamental (ONG), Fundasaun Mahein (FM), Nelson Belo Rekomenda ba Guvernu atu halo sosializaun ba Lei rai nune’e povu bele hatene lei hirak ne’e.
“Durante ne’e, Sekretariu Estadu Terras E Propriedade laiha intervensaun ba komunidade sira ne’ebe mak halo uma sabraut deit, laiha sosializaun ba sira ikus mai ema halo uma diak tiha mak foin ba sobu fali ne’e signifika katak guvernu laiha asaun preventiva”, dehan Nelson Belo , iha Palasiu Prezidente Aitarak Laran, loron 03/02/2015.
Nia esplika katak guvernu tenki kria mekanismu ruma konaba mediasaun nian no karik rai estadu nia ne’ebe durante populasaun sira okupa, bainhira guvernu uja fatin hirak ne’e, no halo penggusuran ruma, sidadaun sira ne’e tenki trata ho dignu.
“bainhira halo pengusuran ruma ba komunidade sira, guvernu tenki kria kondisaun ruma no halo uma sira hodi sira hela, labele husik sira hanesan bainaka iha sira nia knua rasik ”, dehan Bello.
Iha fatin hanesan Deputadu bankada CNRT, Carmelita Caitano Moniz, hateten lei konaba Rai ka regime espesial da Terras e Propridades ne’e prejiza deskuti didiak hodi nune’e iha nia benifisiu ba povu kibiit laek sira, “problema konaba rai iha Timor-Leste kompleksu, balun iha tempu okupasaun halai tiha ba estranjeiru, fila fali mai dehan sira nia rai sira lafaan, ida ne’e mak ita presiza tetu no debate didiak, hodi foti dezisaun polítika ida para labele halo povu kiik oan sira mak sai sofre”.
Nia isplika liu tan agora dadaun husi Diresaun Nasional Terras e Propriedades, foti ona ba komunidade sira ne’ebe mak hela iha rai komunal hodi fo estatuta ba rai ne’e.
