Dili, Radio Online, Membru Polisia ne’ebe rekruta hamutuk 260, ensera formasaun baze, iha Rairobo Atabae, ho longa marsa, hahu husi Aipelu Likisa too iha Akademia Polisia Komoro, iha Tersa-feira (3/3/2015, ho objektivu finalija formasaun durante fulan rua ho balun iha Rairobo.
Komandante centru Formasaun PNTL, Superindente Xefi Julio Hornai hateten, Longa marsa ida ne’e atu finaliza deit formasaun baze ne’ebe halao ona iha Rairobo, “ida ne’e atu avalia deit membru rekruta sira nia Fizika ne’ebe durante ne’e halao formasaun iha rairobo, tamba permeira tama formasaun mos ho longa marsa husi Atabae too Rairobo, oinsa mudansa rezultadu ba formasaun ne’ebe membru foun sira halao liu ona”, dehan Julio.
Julio hateten tan katak depois de formasaun baze, sei iha tan formasaun eskolar iha akademia PNTL, atu nune’e sira bele hatene servisu polisia lolos no sei halo mos estajiu ba munisipiu hotu.
“senior sira sei hadia diak liu tan membru foun sira antes membru foun sira gradua formasaun”, tenik Hornai.
Iha fatin hanesan Segundu Komandante Jeral komisariu Afonso de Jesus hateten, “hau mai atu motiva deit estrutura sira no rekrutadu sira, oinsa sira hatudu sira nia komportamentu ne’ebe diak, ezemplar, kolaborasaun servisu ne’ebe diak, hodi kontribui estabilidade”.
