Afonso : Operasaun ba Grupu Mauk Moruk Sei Lapara.

Dili Radio Online, Depende Estratejia no Maneira Komandante Munisipiu ida-idak nia, hodi halo operasaun no check point, dehan Adjuntu Komandante Komisariu Afonso de Jesus, ba  Jornalista sira  iha Kuarta 4/3/2015, iha Kuartel Jeral PNTL.

Adjuntu Komandante Afonso hateten laos atu hapara operasaun ba grupu ilegais sira hanesan Grupu Konsellu Revolusionariu Maubere (KRM), maibe ita hare movimentu sira hanesan Check point sira ne’e ita halo deit iha fatin balun, “depende deit ba komandante munisipiu sira ida-idak nia estratejia no maneira ne’ebe sira iha, oinsa sira bele halo Check point no operasaun iha ida-idak nia Munisipiu rasik”dehan Afonso.

Adjuntu akresenta tan  Komandante Munisipiu ida-idak tenke iha maneira hodi aproxima povu sira atu tau konfiansa ba PNTL, “tenke ho maneira ka meius oioin ne’ebe komando Munisipiu iha hodi aproxima povu sira katak, oinsa atu povu sira mos kontribui no kolabora ho PNTL atu mantein seguransa estabilidade iha idaidak nia munisipiu rasik”, tenik Afonso.

Nia Espera, sekarik Polisia sira iha  munisipiu idaidak  mak kolabora diak ho Autoridade Lokal sira, Administrador sira no komunidade sira iha munisipiu ida idak no apoiu tan husi komando Munispiu sira,  ne’e estabilidade no seguransa sei  metin liu tan.