Dili, Radio Online, Primeiru Ministru, Rui Maria de Araujo, hateten VI Guvernu kontinua lao ho Orsamentu Ratifikativu (OR) ne’ebe aprova iha tinan 2014 ho montante Milhoens 1,5 Dollares Amerika.
Rui Araujo, iha nia entrevista hateten, VI Guvernu Konstitusional laiha mundansa ba montante orsamentu ne’ebe aprova tiha ona, maibe iha distribuisaun interna iha guvernu nia laran mak konforme estrutura foun ne’ebe iha.
“VI Guvernu sei lao nafatin ho orsamentu ne’ebe aprova ona iha tinan kotuk mkaibe iha distribuisaun nia laran mak konforme estrutura foun no preoridade programas balun ne’ebe mosu foun tamba kontekstu Guvernu foun”, dehan Rui Maria ba Jornalista sira iha Palasiu Prezidente, Aitarak-Laran, Kinta 05/02/2015.
Primeiru Ministru Hateten programa VI Guvernu nian submete tiha ona, hein Parlamentu agenda no halo diskukasaun ba programas hirak ne’e.
nia hateten agora dadauk guvernu estuda hela kestaun numeru funsionariu ne’ebe bo’ot no kestaun kona efesiensia iha funsaun publika ninian.
“ Guvernu estuda hela numeru funsionariu Publiku ne’ebe bo’ot maibe rejultadu la kondiz ho numeru ne’ebe iha, tan ne’e ne’e guvernu atu hare oinsa atu intrudus reforma iha area ida ne’e maibe lasignifika atu redus numeru funsionariu publiku atu nune’e iha efinsensia no efikas” dehan PM
