Dili, Radio Online, PNTL Feto iha Munisipiu 13 Kuaze 200 resin primeira vez Komemora Loron Mundial Feto ho Long Mars hahu husi Rotunda Komoro too iha Kuartel Jeral PNTL Kaikoli hanesan Solidaridade ba Feto Timor-leste tomak hodi komemora loron ne’e, iha Sesta-feira(6/3/2015).
Loron mundial ba feto ne’ebe sei monu iha domingu loron 08 fulan marsu, tamba ne’e feto PNTL mudah no halao aktividade hirak ne’e hodi komemora iha loron 06 fulan marsu.
Iha biban ne’e Sekretaria Estadu Para Apoiu no Promosaun Sosiu Ekonominku Muller (SEM) Veneranda Lemos hateten, hanesan Sekratria foun ne’ebe foin premeira vez kaer kargu sente kontente tebes bele hola parte iha serimonia loron mundial ba feto, “wainhira ita selebra loron feto, ita hanoin hikas fali ba kontribuisaun feto maluk sira iha tempu luta ba ukun rasik an, iha sira nia korajen, lideransa, dedikasaun, ho luta hirak ne’e mak hatutan ita hotu atu kontinua nafatin ba ita nia dignidade no direitu atu livre husi violasaun oi-oin”, dehan Veneranda liu husi nia diskursu.
Veneranda dehan tan, Feto ho Mane nia direitu hanesan iha setor hotu-hotu, iha moris Sosial, ekonomika, politika no kultura.
Iha fatin hanesan Komandante jeral interinu Afonso de Jesus fo korajen tebes ba polisia feto sira para oinsa mak sira bele fo apoiu no tulun malu, “Komando jeral da PNTL pronto nafatin atu fo apoiu ba polisia feto sira, atu nune’e sira partisipa iha parte hotu-hotu, liu-liu iha prossesu harii paz no seguransa”.
