Estadu Preukupa Ho Situasaun Iha Rai Laran

Dili, Radio Online, Primeiru Ministru, Rui Maria de Araujo, hateten estadu preukupa ho sitasaun iha rai laran ne’ebe konsidera grave, tan ne’e orgaun soberania sei halo konsertasaun hodi foti medidas.

“situasaun iha rai laran grave, Mauk Moruk, Justisa buka hela, maibe sei halo nafatin krime tan ne’e orgaunsoberania sei halo konsertasaun hodi foti medidas ba kestaun Mauk Moruk nian” dehan Primeiru Ministru, Rui Arajo ba, iha Palasiu Prezidente, Aitarak-Laran, Segunda feira, 09/03/2015.

Primeiru Ministru akresenta liu tan agora dadaun guvernu sei halo konsentrasaun hodi foti medidas ba kazu MaukMoruk, ne’ebe konsidera krime.

Iha fatin hanesan, Prezidente Parlamentu Nasional, Vicente Guiterres, afirma kazu ne’ebe mak akontese iha loron 08/03/2015, iha Munisipiu Baucau, Postu adminintrativu Baguia, ne’ebe rezulta poilisia nain ha’at hetan kanek ne’e konsidera krime tan ne’e estadu tenki toma desizaun.

Prezidente Parlamentu Nasional, hatutan se deit iha kotuk no organiza, grupo husi Mauk Moruk nia mos komete Krime.

“Kazu Baguia Kazu Grave no Krime se deit mak iha kotuk  nomos organiza nia komete krime, Estadu labele tolera, Estadu tenki toma dezisaun” dehan Vicente Guterres.

Vicente Guterres, hatutan  kazu ne’ebe akonteseiha Postu administrativu Baguia, ne’e kontinuasaun husi akontesementu iha Postu Administrativu Laga no akontese ba dala rua ona, tan ne’e estadu laiha toleransia, tenki resolve ho lais.