Dili, Radio Online, Komandante Jeral Interinu Polisia Nasional Timor-leste (PNTL) Komisariu Afonso de Jesus Liu husi nia intervensoens iha programa “Loke Laboratorium Saude PNTL”, Iha Segunda-feira 16/3/2015, iha Kuartel PNTL Kaikoli, husu Polisia atu respeita oras servisu, tenke servisu on time.
Komandante Jeral Interinu Komisariu Afonso de Jesus husu atu respeita tempu, “ezemplu hanesan, halo programa ruma, atu hahu tuku 09:00, maibe ita hein malu dada tempu too tuku 10:00 mak foin realiza, ida ne’e ladiak, dala ruma servisu barak mak ita la halo tamba ita dada tempu barak”, dehan Afonso.
KOMJER Interinu Afonso de Jesus husu ba Komandante sira hotu, atu hatene maneza tempu ho diak, “hau husu ba komandante sira, wainhira halo programa ruma tenke On time, liu-liu ba sira ne’ebe servisu iha Instituisaun PNTL ne’e rasik, atu ita bele lalais remata servisu saida deit mak ita halo no bele kontinua ho servisu seluk”.
