Klinika PNTL Inagura

Dili, Radio Online - Komandante Jeral Interinu Polisia Nasional Timor-leste, Komisariu Afonso de jesus, inagura klinika PNTL, iha Segunda-feira 16/3/2015, iha Kuartel geral PNTL, Kaikoli.

Inspektur Sefi Klinika PNTL Abilio de Araujo Gonsalves, hateten, “Laboratorium ne’e iha para hasai ran, hodi detekta moras, hanesan TBC, HIV SIDA, kualker moras saida deit”, dehan Abilio.

Tuir Abilio, total rekursu iha departamentu saude , mediku nain 6(neen), parteiras 1(ida), doutor espesialista 1(ida), “hau hanoin sufisiente ona para bele atende saude Polisia nian maske ekipamentus mak sei lasufisiente”.

Iha fatin hanesan Komandante Jeral Interinu komisariu Afonso husu Polisia sira tenke koopera ou servisu hamutuk ho polisia sira husi departamentu saude nian no oinsa mak bele fo hanoin ba malu, para dezenvolve klinika PNTL ne’e lao diak liu tan iha future.