Dili, Radio Online, Ministru Interior Longinhos Monteiro, ho Komandante Jeral PNTL Interinu Komisariu Afonso de Jesus hasoru malu ho Maijor Jeneral Lere Anan Timur hodi koalia konaba Planu membru FFDTL no PNTL atu halo Operasaun Konjunta ba Komandante KRM Mauk Moruk ho nia Grupu, iha Tersa 17/3/2015, Kuartel jeral FFDTL, Fatuhada.
Hafoin enkontru ne’e remata, Jornalista sira koko atu komfirma Ministru Interior Longinhos Monteiro ho Komandante Jeral interinu Afonso de Jesus maibe lakoi atu fo komentariu ba jornalista.
Tuir fontes komfirmadu husi parte FFDTL katak, tuir planu ne’ebe iha, Operasaun konjunta sei halao iha semana ida ne’e nia laran ou semana oin mai.
Fontes Komfirmadu ne’e dehan tan, “antes atu halo Operasaun konjunta ba grupu ilegais sira ne’e, sei halo mos abertura ba membru sira ne’ebe atu halo operasaun konjunta”, dehan fontes komfirmadu.
