Dili, Radio Online, Joven husi Komoro Terra-santa baku Komandante Polisia Servisu Investigasaun Kriminal Ludgerio Lay, iha Segunda-feira 16/3/2015, iha Aldeia Terra-santa, Komoro, Dili.
Joven husi aldeia Terra-santa, Komoro halo asaltu ba Komandante SIK Ludgerio Lay, wainhira atu fila ba almosu iha uma Tasi-tolu.
Tuir kronologia akontesimentu Ludgerio Lay esplika “hanesan Polisia halao nia knaar uja farda Polisia, wainhira hare ema ruma hobur malu, hau koko husu ba joven ida ne’ebe ho isin molik (la uja kamizola), iha Problema ga?, maibe Joven dehan laiha problema, entaun hau mos aranka kareta, derepenti joven ida mai lansung tuku hau nia matan no tolok hau, hodi husu dehan, o atu tiru ga? Hau mos tun husi kareta atu koalia didiak maibe joven sira mai asaltu lisuk hau”, dehan Ludgerio.
Aleinde ne’e Ludgerio esplika tan, iha joven mane ida koko atu salva nia husi joven sira ne’ebe halo asaltu, maibe nia foin atu tun salva hare fali joven ne’e nia tilun kotu kedas, maibe tuir nia(Komandante Ludgerio) sasan kroat nia lahare husi joven nain hira ne’ebe halo asaltu ba ne’e, so deskonfia joven ida ne’ebe halai tama uma laran, sai fali asaltu kedas hau, deskonfia ba joven ne’ebe halai ba uma laran sai fali ne’e tamba, alin mane ida atu salva hau ne’e nia tilun kotu”, tenik Ludgerio.
Ludgerio la sente satisfas tamba hanesan komandante kontinensia joven sira ne’e ho diak maibe fila hasoru ho asaun ida ne’ebe ladiak.
Ba kazu ne’e rasik Polisia kaptura ona joven nain tolu no entrega ona naran ema nain neen nia ba iha parte investigasaun Komoro.
