Dili, Radio Online, Comissão Nasional de Elições (CNE) servisu hamutuk ho Asian Network for Free Elections (ANFREL), kuarta semana ne’e , organiza enkontru daruak konaba Asian Electoral Stakeholder Forum (AES Forum), iha Ótel Timor hodi fahe esperensia husi kada nasaun nian kona aktu eleitoral.
Prezidenti komisaun organizadora, Francisco de Vazconcelos, hateten Objetivu husi konfernsia internasional ne’e mak atu kompartilla esperenesia kona ba realidade no obstakulu ne’ebe infrenta wainhira hala’o aktu eleitoral ne’ebe diak tuir padraun Internasional iha kada nasaun tantu iha Asia no CPLP.
Prezidente komisaun organizadora hateten Partisipante husi coferensia internasional ne’e mai husi membru orgaun administrasaun eleitoral hamutuk 120 husi nasaun 27 iha Asia no CPLP atu nune’e sira bele fahe esperensia kona aktu eleitoral iha Timor Leste
“Nasaun sira iha Asia, Hanesan Bangladesh, pakistan, Myanmar, Singapura, Tailandia, Japaun Korean indonesia Filipina no membru CPLP hanesan Portugal, Mocambique, Guine-Bissau inklui mos Timor-Leste ne’ebe tuir konferensia ida ne’e atu kompatilla esperensia iha aktu eleitoral”, dehan Komisaun Organizadora.
Nia hateten, konferensia daruak ne’ebe iha Timor Leste, ne’e ikus sei hamosu deklarasaun ida ho Naran “deklarasaun Dili” ne’ebe kontinuasaun husi deklarasaun Bangkok. Hodi koalia kona ba advokasaun ba elisaun ne’ebe livre, sekretu, no gestaun ne’ebe diak ba partidus politikus sira.
Entertantu iha intervensaun, Prezidente Republika, Taur Matan Ruak, hateten elisaun Livre no Justa sai nudar pre-kondisaun ida ba demokrasia no promotora ba dezemvolvimentu social, polítiku no ekonómiku.
Taur Matan Ruak, hateten ba nasaun Timor-Leste, nudar onra ida atu hamutuk ho membru AES hodi kontribui no reforsa pratika eleitoral no demokratika sira
“ba Timor Leste ne’e nudar onra ida atu hamutuk ho ita bo’ot sira iha liña oin u hala’o serbisu ida ne’e, hodi kontribui atu implementa vizaun ida ne’e no reforsa pratika eleitoral no demokratika sira ” Dehan Prezidente, Taur Matan Ruak.
