Povu  Oecusse Kontinua Preukupa Kondisaun Infrastrutura Baziku

Dili, radio Online, Autoridades lokal no komunidade regiaun Oecusse, balun sei preokupa ho kondisaun infranstrutura baziku hanesan Estrada, elektrisidade, be’e mos, irigasaun no eskola.

Asuntu ne’e hato’o husi Coordenador Oil transparency, Luta Hamutuk, Nelson Miranda, liu husi Konferensia imprensa ne’ebe hala’o iha Sesta Feira, 20/03/2015, iha edifisiu Luta Hamutuk, Farol Dili.

Nelson Miranda,  esplika durante sira nia monitorizasaun ba iha regiaun otonomia Oekusse, liliu ba iha suku tolu, suku Costa, Lalisuk no Quinha,  seidauk asesu hotu ba elektrisidade tamba guvernu seidauk kanaliza lina elektrisidade ba komunidade iha area refere.

“durante Luta Hamutuk  nia monitorizasun iha Oecusse, komunidade iha suku tolu seidauk asesu ba elektridade, Kompania Karya Utama, mak reosponsabiliza hodi dada fiu elektrisidade husi suku Lalisuk ba suku Quinha maibe to’o agora seidauk dada”, esplika Nelson Miranda iha koferensia Imprensa.

Nia esplika kondisaun Estrada ne’ebe mak liga husi Suku Costa Lalisuk no Quinha, sei aat, tamba ne’e difikulta movimentu transporte. 

Nelson, Klarifika liu tan iha parte seluk komunidade ne’ebe pretense ba iha suku Quinha no Costa seidauk asesu ba be’e mos, maibe konsumu be’e Posu.

Iha parte seluk nia mos eplika katak kondisaun irigasaun iha suku tolu ne’e seidauk diak  tan ne’e fo impaktu ba komunidade sira ne’ebe mak moris iha vida agrikultura.

Durante monitorizasaun, Luta Hamutuk mos konsege identifika katak kondisaun eskola Ensino Básiku Quinha, uma eskola nia kondisaun grave liu ona, kadeira no meja sei falta barak nune’e estudantes atus lima tur iha rai hodi  tuir prosesu aprendizagen.

Tan ne’e, Luta Hamutuk rekomenda ba Ministeriu kompetente liliu ba Autoridade Regiaun Zona Ekonomi Espesial Eskluzivu Social No Merkadu (ZEEMS)  hodi hare ba iha problema hirak ne’e.