Dili, Radio Online, Sei laiha Toleransia ba Membru Polisia ne’ebe mak involve iha Korrupsaun, dehan Komandante Jeral Interinu, Komisariu Afonso de Jesus, iha Segunda-feira 23/3/2015, iha Kuartel Jeral PNTL.
KomJer Interino Polisia Nasional Timor Leste (PNTL), Komisariu Afonso de Jesus hateten, nia parte pronto atu hatan karik iha provas ruma konkreta, tanba komando sei la tolera ba sese deit mak involve ou halo korupsaun iha instituisaun PNTL nia laran.
“hau pronto nafatin karik iha provas ruma kompleta, lori mai ita prosesu, ita sei la tolera ba sese deit mak halo korupsaun iha intituisaun PNTL ne’e”, informa Afonso.
Antes ne’e, Ministeriu Publiku (MP) liu husi data estatistika ne’ebe Publika, identifika mosu korupasaun iha kauza instituisaun estadu hotu hotu.
Tuir dadus ne’ebe iha, institusaiun ne’ebe mak risku liu ba akontese korupasaun mak Ministeriu eduaksaun, dirasaun Finansas no aprovizionamentu, Ministeriu Finansas (MF), iha servisu aprovizionamentu no dirasaun jeral Alfandega, Sekretariu Estadu Seguransa (SES), liliu Servisu Polisia Nasional Timor-Leste (PNTL), iha servisu aprovizionamentu no lojistika, no ikus liu mak Ministeriu Saude (MS).
