UNTL Ajuda Kadernu ba Street Children

Radio, online  - Universidade Nasional Timor Lorosa’e (UNTL) liu husi Fakuldade  Ekonomia no Gestaun, fo ajudus humanitariu hanesan kadernu, lapizeira, pasta  no osan ba labarik estrada ninin (street children) hamutuk nain 10.
Serimonia ajuda ba labarik estrada ninin ne’e halao iha salaun UNTL Dili, Sesta (5/8).

Xefi Komisaun  organizador Domingos Lopes hatete, labarik hanesan fini ba nasaun, persija fo atensaun husi entidades hothotu  ne’ebe hodi hemenus problema sosial mak iha.

Tuir Domingos liu husi husi ajudas humanitaria ne’e atu suporta labarik dalan ninin hodi asesu edukasaun no mos  hafanu hodi proteze labarik sira nia direitu.

“Ami fo ajudus humanitaria  ne’e laos atu responde situasaun sosial ne’ebe labarik sira infrenta  maibe atu kontribui  hodi hamenus ba susar ne’ebe labarik sira hasoru liliu hodi sira iha hanoin nafatin ba eskola,”nia komenta.

Labarik dala ninin sira ne’e maioria estudante ne’ebe sei tur iha baku primaria no sekundaria. Aktividades husi labarik sira ne’e sempre hetan iha estrada ninin no aktividades fase kareta.

Liu husi ajuda ne’e hodi ajuda mos inan–aman sira mak ekonomia fraku atende ba oan sira. ajuda ne’e hodi aguenta ba labarik sira hodi kontinua ba eskola.

Iha hanesan Komisario Nasional Direitu  ba  Labarik  Adalzija Magno  senti kontenti tebes ho inisiativa estudante UNTL hodi ajudus humanitaria  ba labarik sira.

Komisaria ba labarik  ne’e fo apaoiu  ba sira nia inisiativu diak husi estudante UNTL ne’ebe halo peskiza ba labarik  no konsege hetan labarik nain 10 ne’ebe  presisa  tebes apoiu.

“Idea ne’ebe kapas tebes atu ajudas governu, sosiedade komunidade hodi tau matan ba labarik. Ba oin ami nafatin ko’opera ho UNTL hodi tau matan ba labarik sira ne’ebe  abandona iha sidade laran ne’e,”nia espera.

Arao Soares hanesan estudante pre-sekundaria ne’ebe aktividades  ekstra iha lokraik fase kareta, sente kontente ho ajuda tamba husi nia maun sira iha UNTL.

“Ami ne’e oan kiak los, ami sai eskola tenki fase kareta hodi hetan netik osan ba presiza lorloron nian. maske hau fase kareta maibe hau sei la husik hau nia estudu,”nia hatete ho neon nakraik.