SEKOMS Apoiu Kapital Dezenvolvimentu Umanu iha Area Jornalismu

Dili, Radio Online, Sekertariu Estadu Komunikasaun Sosial, oferese oportunidade ba midia Timor iha area formasaun no nia rejultadu aplikasaun ba aplikantes sira ne’ebe compete ba vagas formasaun nian fo sai ona iha loron 23/3/15

Formasaun iha area rua Jestaun Negosiu Media ema nain 7 (hitu) no Jestaun Redasaun nian ema nain 8 (walu), formasaun ne’e sei halao iha LPDS, Jakarta, Indonesia, iha fulan Marsu no Agustu 2015 nia laran.

Formasaun ne’e realija bajeia ba sorumotu 19/2/15 iha JL.Villa, hafoin sorumotu ne’e, SECOMS  distribui TOR ba Midia nune’e membru midia sir abele compete ba vagas formasaun ne’e.

Editor Online Radio, Alberico da Costa Junior, ne’ebe hetan mos oportunidade atu partisipa iha formasaun haktuir nia prespektiva ba formasaun ne’e ba jornalista radio liberdade dili iha loron 26/3/15 katak “Planu SEKOMS, Atu hametin kapasitasaun ba jornalista Timor oan sira, ne’ebe dala barak ita nia publiku kestiona. profesionalismu jurnalisme nia lolos atinji ona meta ne’ebe ita espera maibe to’o agora sei nafatin nune’e planu ida ne’e importante tebes”.

Hanoin katak materia ne’ebe sei hetan, sei hanesan ho saida mak ita espera, tenik Alberico.

Alberico hatutan katak, “Oportunidade diak para aprende buat foun, pesoalmente buat ne’ebe hau aprende hau sei implementa no fahe ba kolega sira”.

SEKOMS aloka orsamentu iha fundus dezenvolvimentu kapital umanu kobre deit prioridade ida husi objective primeiru kriasaun fundu dejenvolvimentu kapital umanu nian, laos bolsa estudu maibe formasaun professional ho nia objektivu ba area prioridade tolu Jestaun Empreja, Jurnalismu no Ofisial Relasaun Publiku ne’ebe oferese liu husi programa “Enkorajamentu Diversidade Meius Komunikasaun Sosial”.

Kandidatu sira ne’ebe selesionadus atu tuir formasaun iha area Jestaun Negosios Media, Iha LPDS, Jakarta, Indonesia fulan Maiu 2015 mak Jose Sarito Amaral husi Jornal Independente, Lourenco Vicente Martins husi Jornal Timor Post, Domingos Freitas husi Buisness Timor, Aureliano Ximenes Boavida husi Matadalan, Nivio Freitas husi Grupo Media Nasional, Pedro Pereira husi STL Group no Aristides Gusmao Sarmento husi Majalah Focus.

Kandidatu sira ne’ebe selesionadus atu tuir formasaun iha area Jestaun Redasaun, Iha LPDS, Jakarta, Indonesia iha fulan Augostu 2015 mak Amincio da Cruz husi Grupo Media Nasional, Efrem Duarte Guterres husi Matadalan, Jorgino dos Santos husi Jornal Independente, Santina Araujo husi Timor Post, Noemio Soares Falcao husi Timor Post, Alberico da Costa Junior husi Online Radio Liberdade, Mariano Martins husi Timoroman no ikus Helio Gaudencio  de Araujo Pereira Time Timor.