Dili, Radio Online, Relasiona ho re-estruturasaun hodi tranfere poder husi V Guvernu Konstitusional ba VI Guvernu fo impedementu ba prosesu eleisaun ba Xefe suku ne’ebe tuir lolos akontese iha fulan Agustu tinan Ida ne’e.
Komisariu Conselho Nasional das Eliçoes (CNE), José Vazcoinselhos, Tersa feira 24/03/2015, iha nia kna’ar fatin, hateten tuir lolos Mandatu Xefe suku iha fulan Agustu remata ona maibe to’o ohin loron seidauk iha kalenderizasaun ba Elisaun Xefe suku no dala ruma elisaun xefe suku tinan ida ne’e sei la akontese.
“Guvernu sei halo fali lei foun konaba kompozisaun autoridade local, proposta mai husi Ministeriu ESTATAL no agora dadaun iha konsellhu Ministru atu halo diskusaun maibe foin dadauk akontese re-estruturasan, Eis Primeiru Ministru Xanana Gusmão transfere poder ba atual Primeiru Ministru, Dr. Rui Maria de Araujo tan ne’e fo impaktu ba elisaun Xefe Suku”
Nia esplika liu tan katak, dadaun ne’e Guvernu perpara hela metode foun ho bareira 3% hanesan mos ho elisaun Parlametar, tan ne’e, sekarik lei ne’e aprova, presija tempu atu halo sosializasaun ba lei, tamba ne’e, diferente ho elisaun xefe suku anterior, tamba uluk halo votasaun ba pakote ida tomak maibe wainhira liu ho ema ida nia votu mos nia bele sai xefe Suku.
Komisariu ne’e hatutan to’o ohin loron seidauk iha kalendariu ne’ebe fiksu maibe parte CNE no STAE sei mantein nafatin nia pozisaun hodi perpara kartaun resensiamentu eleitoral no oportunidade nafatin ba eleitor potensial sira no atualizasaun baze de dados Lao nafatin.
Entertantu Ex Ministru ESTATAL, Jorge Teme, Kinta feira 26/03/2015, iha umu fukun Parlamentu Nasional hateten, lei kona ba kompozisaun Autoridade lokal, dadaun ne’e sei iha konsellu Ministru maibe Ministeriu Estatal sei halo supervisaun ba lei ne’e hodi hare.
“Bazei ba estudus ne’ebe ami halo hamutuk ho Banku Mundial, no Forum Aziatiku rezultadu hatuku katak Xefe suku barak mak laiha kompetensia ne’ebe klaru atu ezerse nia funsaun nudar lideransa komunitariu tamba ne’e lei konaba lideransa komunitariu ne’e importante atu diskute hodi difine diak sira nia estatutu no kopetensia”, dehan Teme.
