SEJD Lansa Website Parlamentu Foinsae

Dili, Radio Online, Sekretariadu Parlamentu Foinsae liu husi  Sekretariu Estadu Joventude no Desportu halo lansamentu ba Website Parlamentu Foin Sae, ho objektivu atu fahe imformasaun ne’ebe relevante ho Juventude nian liu husi lina internet, iha loron Kuarta 25/3/2015, iha Salaun SEJD, Lesidere.

Xefi Sekretariadu Parlamentu Foinsae Ergilho Pereira hateten, “website ida ne’e atu fahe mos imformasaun konaba aktividade saida deit mak parlamentu halo no mos aktividades joventde sira nian hanesan desportivas ba joven sira seluk”, imforma Erginlho.

Aleinde ne’e Ergilho hateten tan, “Parlamentu foin sae sira liu husi website ida ne’e, hakarak fahe mos imformsaun ne’ebe mak importante relevante ho ita nian nasaun rasik”, imforma Pereira.

Iha fatin hanesan Sekretariu Estadu Juventude no Desportu Leovigildo Hornai hateten, mundu agora mundu globalizasaun, modernizasaun no kompetizasaun.

“Website ida ne’e, sei uja ho diak, haklean imformasaun ne’ebe mak diak ou Kualidade no simplifika konaba foinsae nia politiku rasik no investe lolos no aproveita didiak, sei fo vantajen ba rai ida ne’e”, dehan Leo.

Hornai akresenta tan, “tenke iha politika de jestaun kontrola didiak website ne’e, servisu ho professional, integridade no responsabilidade tomak no rezultadu ne’ebe mak tenke fo benefisiu ba Joven sira seluk no labarik sira atu nune’e sira bele aproveita dezenvolve sira nia an”, tenik Hornai.