Dili, Radio Online, POLTRANS Sei garante estabilidade Seguransa ba sarani Katolika hotu atu selebra festa Paskoa ou Semana Santa, dehan Inspector Xefi POLTRANS Valente da Silva, iha Segunda 30/3/2015, iha nia knaar fatin Kuatel Jeral PNTL Kaikoli.
Valente da Silva, Inspector Xefi Polisia Tranzitu hateten, dadaun iha tiha ona Check point, iha parte rua, Tasi-Tolu no Hera permanente relasiona ho akontesimentu husi Baukau, aleinde Chek point ba dokumentus iha mos check point ba armas.
“Hahu Domingu Ramus horseik ordem ona ba membru sira ba kada igreja Katolika iha Dili laran atu garante seguransa no estabilidade ba sarani Katolika hotu atu partisipa iha semana santa ou selebra festa Paskoa nu’udar ema fiar nain”, dehan Valente.
Valente imforma tan, sei atensaun liu-liu iha kurzamentu sira ne’ebe besik iha uma kreda ou igreza sira.
“Atu assegura dalan ba srani Katolika sira atu assesu hodi selebra semana santa, dalan sira ne’ebe kareta motor iha igreza oin provizoriamente sei taka”, dehan Valente.
