Dili, Radio Online, “Hau nia fatin iha ona, imi hare malu didiak”, ida ne’e mak mensajem ikus ne’ebe hato’o hela mai ami, wainhira nia senti moras maka’as”, Madre, Lucilia Da Silva, husi Kongregasaun Kanosiana, alin datoluk husi matebian Bispu Dom Alberto Ricardo da Silva, haktuir mensajem ikus ne’ebe nia maun husik hela ba familia no povu tomak ne’ebe nia hadomi molok husik mundu.
“iha tempu ne’ebe nia senti labele, nia hakarak bolu familia hotu-hotu hamutuk, maske hau iha Eropa, nia haruka telefene hau, ami hotu hamutuk, nia dehan mai ami, haraik-an, familia sira buka malu moris hamutuk atu nune’e imi hare malu diak”, haktuir Madre Lucilia da silva, ba jornalsita radio Liberdade, Segunda feira, 06/04/2015, iha Fatumeta, hafoin ceremonia funeravel.
Madre Lucilia haktuir, “maske lakon maun ne’ebe nia hadomi, maibe parte ida nia haksolok tamba, wainhira Dom Alberto Da Silva, nia ema ida ne’ebe iha devasaun maka’as ba Jesus Eukaristia, vida sasardotal, nia hakarak ema hotu hakbesik adora Eukaristia, no wainhira nia moras hahu maka’as iha semana Santa, ami mos hanoin katak nia sei hakotu iis iha semana santa, ikus mai maromak haraik loron especial iha Kinta Feira Santa (02/04/2015), tamba ne’e ami fiar katak ema ne’ebe mate iha loron solenedade ne’e nia klamar iha progratoriu liu deit, terus mak durante moras fulan ne’en”, haktuir, Madre Lucilia Da Silva.
Dom Alberto Ricardo Da silva, maun alin hamutuk nain ne’en (6), nia mak oan dahuluk.
