Adeus Bispu Ricardo, Deskansa ho Pas Iha Aman Nia Kadunan Santu

Dili, Radio Online, Amu bispu diocese Dili Dom Alberto Ricardo da Silva, moris iha Munisipiu Aileu iha loron 26 fulan Abril tinan 1943,  hakotu ona nia iis iha momentu ne’ebe sarani katolika Timor-Leste selebra festa paskoa, Kinta-feira santa (2/4/15) iha Hospital Nasional Guido Valadares(HNGV).

Sarani Katolika hotu iha Timor-Leste sente triste liu-liu Sarani Diosese Dili, wainhira partisipa iha missa Eukaristia iha kinta-feira Santa kalan iha oras tuku 09:00, rona imformasaun ne’ebe padre parokia sira fo sai antes remata missa, katak Amu bispu Diosese Dili Dom Alberto Ricardo hakotu ona nia iss iha Hospital, sarani hotu sente hakfodak no kalan ne’e kedas sarani rihun ba rihun hakat kedas ba Hospital no Rezidensia Amu bispu Ricardo iha Lecidere..
foin primeiravez Sarani katolika hotu iha Timor-Leste sente triste tebes, no lakontente selebra festa paskoa iha tinan ida ne’e (2015) tamba  lakon bibi atan diak, Bispu diocese Dili Dom Alberto Ricardo da Silva ne’ebe fila hikas ona ba Aman Maromak nia kadunan Santu.
Amu Bispu Diosese Baukau Dom Basilio do Nasimento hateten, “Amu Ricardo ema ne’ebe moris simples, maske nia la perfeitu ba buat hotu-hotu, maibe nia sempre hakaas an sai perfeitu liu husi nia forsa no vontade rasik ho karakter  diak ne’ebe mak nia iha, no sempre hadomi ema hotu”, dehan Dom Basilio hafoin diriji missa ba mate isin Dom Ricardo, iha Segunda(6/4/2015), iha igreza Katedral, Dili.