Maijen Lere Rejeita Membru F-FDTL Tiru Malu Ho KRM

Dili, Radio Online, Maijor Jeneral, Falintil Forsa Defeza Timor-Leste (F-FDTL), Lere Anan Timur, rezeita katak membru F-FDTL tiru malu ho grupu Revolusionariu Maubere (KRM) horsehik iha aldeia Selegua, suku Sagadate, administrative Laga, munisipiu Baucau.

Maijor jeneral hato’o lia hirak ne’e ba jornalista sira, Kuarta 8/04/2015, iha Palasiu Prezidenti, Aitarak-Laran, hafoin hala’o enkontru semanal ho Prezidenti da Republika Taur Matan Ruak.
Maijor Jeneran hateten komandu operasional TATIKA, hetan informasaun husi membru Konsellu Revolusionariu Maubere, tan ne’e mak akompañia husi parte operasaun konjuntu ba halo kapturasaun no tiru sa’e hodi nune’e membru Mauk Moruk,  bele rende maibe sira halai namkari, komandu operasaun  konjuntu konsege kaptura ema nain sanolu resin hitu (17).
“Latiru malu ida maibe  ami nia membru sira tiru sa’e deit atu nune’e sira entrega an, maibe sira halai nankari hotu, ami kaptura nain 17”, dehan Lere.
Maijor Jeneral, Lere Anan Timur, hatutan, opersaun ne’e halo iha tinan 2015 ho objetivu atu hapara  organizasaun illegal ne’ebe  ejiste  iha Timor-Leste, tamba organizasaun hirak ne’e latuir lei ne’ebe regula no vigora iha Timor-Leste.
“Objetivu husi opersaun ba tinan ida ne’e mak grupo organizasaun illegal sira ne’e”, dehan Lere
 Maijor Jeneral Lere anan Timur, hatutan sidadaun hotu-hotu iha direitu atu harií sira nia organizasaun  maibe tenki iha legalidade.