Motor 100 Resin Fruzu Iha Kuartel Jeral PNTL

DILI, Radio Online, Durante Tinan 2006 ate agora Polisia Tranzitu prende ona motor  barak, no motor sira nee balun nain foti ona no balun seidauk foti no atus ida resin sai fruzu iha kuartel Jeral PNTL, tamba nain la foti, dehan Komandante Tranzitu Nasional, Inspektur Xefe Antonio L.C Soares, ba Jornalista  iha Sesta, 24/4/2015, iha nia knaar fatin Kuartel Jeral PNTL, Kaikoli.

Tuir komandante Tranzitu Nasional, Insepctor Xefe Antonio Soares hatutan katak, durante  krize 2006 too agora Poltras Prende motor barak, maibe balun ema foti hotu ona no hetan 100 resin maka too agora nain seidauk mai foti, no prazu ba motor nain fulan tolu para atu mai identifikA nia motor, maibe nain la mai, husi parte Polisia bele halo lelaun. Nune’e tama ba prosesu lelaun ne’e mak tenke halo autonotise hanesan berita acara ba Ministeriu Publik para tama lelaun ne’e ninia prosesu tenke legaliza husi Ministeriu Publiku.
“Ami iha ne’e, ami fo toleransia balun ba iha komunidade katak se mak hanesan motor lakon mos bele, importante  lori dokumentus mai hatudu ba Polisia sei iha oportunidade para bele foti nia motor, ne’ebe ami fo oportnudade maibe aranja mos testanmunha hatete katak motor ne’e ninia duni, ne’e mak sei halo croschek ho DNTT  dehan katak los, polisia bele intrega nia motor”, nia informa.
Nia dehan, motor ne’ebe mak Poltraz prende iha tinan kotuk  80, maibe dadaun ne’e sae ona ba 100 resin, maibe ne’e inklui iha Kuartel Jeral no Distritu Dili. Dadaun atu halo lelun maibe Guverno sedauk implementa lelaun tanba ne’e mak motor sira ne’e sei para iha ne’e.
“Ita haree katak ne’e los, iha regulamentu lei kodiku estrada iha ne’eba iha artigu 162 iha ne’e ba hatete katak regula motorizadas no kareta ne’ebe  mak polisia tahan”, hatete Antonio.
Tuir Observasaun hare katak motor hirak nee aat hotu ona, balun nia tur fatin dodok no balun sai fruzu hotu, tamba motor nain sira la ba foti, no motor sira nee kesi metin hela ho korente.