Dili, Radio Online, Diresaun Nasional Protesaun Sivil (Bombeirus, komemora aniversariu ba dala 15, ho aktividade Gradua membru foun hamutuk 32 inklui feto 6, iha Kinta, 30/4/15, iha Instituisaun n\Nasional Bombeirus, Kaikoli.
Direktor Jeral Diresaun Nasional Protesaun Sivil, Candido Gusmão hateten iha diskursu katak, “bainhira ita dezenvolvimentu fíziku lao makaas iha ita nia rai, sei lori mos riskus barak mai ita, ita presija prepara an hodi bele responde saida deit mak sei mosu husi riskus hirak ne’e, tamba ita nia prekupasoens sira ne’e hatudu dadauk ona liu husi akontesimentu sira ne’ebe foin dadauk akontese iha Audian”, dehan Candido.
Candido dehan tan, “ho dezenvolvimentu físiku no akontesimentu sira ne’ebe regista dadauk ona iha area protesaun e sokorru, presija atu tau dadauk atensaun seriu ba kestoens sira ne’e, atu prepara didiak mos ita nia bombeirus sira hodi responde ba situasoens saida deit, presija hetan kapasitasaun masimu, iha areas oioin”, tenik Candido.
