Reuniaun ba 13, Fahe Esperiensia Entre Nasaun CPLP Kona ba Servisu No Asuntu Sociais

Dili, Radio Online, Governu liu husi Sekretariu Estadu Formasaun Professional e Empregu no Ministeriu Solidaridade Sosial halo konferensia da imprensa hodi halo rezumu ba Reuniaun ba dala 13 nian, ne’ebe halao durante loron lima, hodi debate no fahe esperiesia ba malu kona ba trabalhos no asuntu  Sosiais, entre nasaun sira ne’ebe koalia lian Portugues (CPLP), iha Sesta, 1/5/15, iha CNEFP, Tibar.

Ministra Solidaridade Sosial, Isabel Guiterres esplika katak, “iha reuniaun trabalhu nian no sosiais nian ne’ebe halao koalia importante liu konaba povu nia nessesidade, areas sira ne’ebe ami koalia durante loron lima, mak hanesan Bolsa da mae, hare kona ba mos ferik no katuas sira no ema defisiente sira,  e kona ba veteranus”, dehan Ministra sosial.
Aleinde ne’e, iha fatin hanesan Ministru Negosiu Estranjeiru Hernani Coelho hateten, “aktividade barak mak sei iha atu halao entre ita ho nasaun nasaun sira seluk ne’ebe koalia lian portugues, nasaun CPLP ne’e iha aktivivdade balun ne’ebe mai husi programa regular, no balun rezulta  husi rezolusaun ne’ebe hasai iha Cimeira CPLP nian, tuir ministeriu ida-idak nia kompetensia”, tenik Hernani.
Hernani Akresenta tan, tuir planu Nasaun CPLP nian katak sei iha reuniaun ida tuir kedas entre Konselhu Ministrus, iha fulan Jullu tinan ne’e iha Timor-Leste.