Dili, Radio Online, Estudante Komunikasaun Social long mars, husi kampus UNTL to’o iha Bekora hodi vizita Monumentu Jornalista Sander Robert Thoenes, hodi hanoin hikas nia kontribuisaun iha komemora Loron Mundial Liberdade da Imprensa, ne’ebe monu iha Domingu, 3/5/15, iha Bekora.
Jornalista Sander Robert Thoenes, mate tamba hetan oho husi milisia pro-integrasaun Indonesia, iha loron 21 fulan Setembru tinan 1999, bainhira halo kobertura hodi defende lialos ba povu Timor-Leste.
Estudante UNTL, Departamentu komunikasaun social sira lao ain husi eskola lori espanduk ne’ebe hakerek liafuan oioin hodi motiva sira, inklui Jornalista balun, lori mos aifunan no lilin ba tau iha monumentu jornalista Sander Robert nian.
Vice Xefe Departamentu komunikasaun Social UNTL Dulce Martins hateten, “ne’e hanesan atu relembra fila fali, ita nia kolega jornalista ne’ebe uluk luta ba ita nia rain hanesan jornalista Sander Robert no jornalista nain 5 seluk ne’ebe uluk mate iha Balibo”, dehan Dulce.
Dulce dehan tan, “husi programa sira ne’e bele aumenta mos estudante KS sira nia koñesimentu, atu nune’e sira bele iha espiritu diak iha nasaun ne’e, atu luta b alia los”.
