Dili, Radio Online, Ho apoiu tomak husi Tribunal Rekursu no mos Tribunal Munisipiu Baucau e Tribunal Rejiaun Oecusse, ekipa BA DISTRITU hamutuk ho peritu Administrasaun Tribunal kompleta Relatoriu Funsionamentu Tribunal Munisipiu Baucau No Rejiaun Oecusse husi avaliasaun inisiu iha Tribunal rua refere ne’ebe ba Distritu no
Tribunal Rekursu lansa iha Tersa 5/5/15, Iha salaun Tribunal Rekursu, Caicoli, Dili.
Iha intervista ho jornalista sira, Carolyn Tanner, Xefe Ekipa BA DISTRITU isplika kaju barak liu ne’ebe iha, iha Tribunal Distrital katak, “Ami nia peskija hatudu katak kaju barak liu iha tribunal distrital maka kaju krimi husi kaju krimi ne’ebe iha maka kona ba violensia domestika, ne’e signifika bah au vitima violensia domestika hetan dalan ne’ebe lori sira ba Tribunal formal, hau hare katak karik ida ne’e oportunidade ba Tribunal sira atu analija kaju ne’ebe sira julga lor loron, halo desijaun kona ba oinsa sir abele responde ho diak ba nesesidade ba vitima no mos ekspetu no sira seluk ne’ebe uja Tribunal lor loron, baa mi nia hare grupu ida ne’ebe barak liu maka vitima violensia domestika entaun ami hare katak area ida ne’e sai importante ba Tribunal hotu hotu atu konsidera wainhira sira hare kona ba rekursu humanu no sira nia fasilidade.
Iha fatin hanesan, Luis Sampaio, Direitur Ezekutivu JSMP, hateten, “levantamentu ne’e hau hanoin kooperasaun entre Tribunal Rekursu ho Tribunal 2 Baucau ho Oecusse, atu identifika nesesidade saida mak persija no ikus ho liu husi apoiu ajensia BA DISTRITU ne’e, USAID nian, bele kontribui buat ruma atu hametin jestaun administrasaun justisa ninian, hau sidauk le relatoriu ne’e maibe nia konseitu hanesan ne’e, sira hahu identifika problema iha Tribunal sira ne’e saida no rekomenda asaun importante saida mak sira bele halo iha Tribunal sira ne’e”.
Presidenti Tribunal Rekursu-Meritissimu Juiz Presidente Guilhermino da Silva, iha intervista ho jornalista haktuir katak “Ida ne’e sai hanesan avansu liu, fasilita kontrolu ba prosesu hotu, ne’e diak”.
USAID nia projeitu BA DISTRITU hanesan projeitu ho apoiu fundus jenerozu husi Povu Amerikanu liu husi Estadus Unidus nia Ajensia ba Dejenvolvimentu Internasional USAID, ho objective atu hasae Governansia Lokal no hasae asesu ba Justisa.
