
Dili, Radio Online, Haktuir ba Lei komunikasaun social, iha kapitulu IV,artigu 23, kona-ba meius komunikasaun social sira ne,ebe la ho fins lukrutivu mak hanesan, meius komunikasaun social komunitariu sira, assoasiativa sira, konfesional sira, doutrinariu sira,meius sira ne,e sei regula ho lei, nune’e atu materializa prosesu ba elaborasaun lejislasaun sira kona-ba meius komunikasaun social komunitariu nian, Sekretaria Estadu komunikasaun social, organiza seminariu Internasional ida,ho nia tema sentral, “Mata-Dalan Ida Diak ba Radio Komunidade Timor-Leste Hosi Perspetiva Komparasaun, Afrika-du-Súl no AMARC“, ne’ebe halao iha Loron 6/5/15, iha Joao Paulo II, Komoro Dili, ho partisipasaun husi orador internasional no nasional sira.
Objetivu hosi seminariu ne’e atu hetan referensia diak hosi expertu internasionais no nasional sira hodi hahu ona halo diskusaun regular ida ne’ebe sei fasilita hosi Gabinete Sekretariu Estadu liu hosi Diresaun Sentru Radiu Komunidade (CRC) ,nune’e bele hamosu esbosu lei ba radiu komunidade bainhira Governu hahu diskuti kona-ba asuntu nasional ne’e.
Sekertariu Estadu Komunikasaun Sosial, Nelio Isack Sarmento iha nia deskursu boaz vindas haktuir, “tamba saida mak ita hanoin katak atu halo regulasaun ida espesifiku ba radio komunidade sira hotu, radio sira ne’ebe ho tipu tamba ita konsidera katak radio sira ne’e nia tipu de karakter ne’e voluntarismu no lukrutivus”.
Seminar ne’e aberta hosi Ministru Estadu, Koordenador Asuntu Administrasaun Estadu No Justisa No Ministru Administrasaun Estatal, Deonisio Babo, ne’ebe iha nia deskursu deJeiju partisipantes sira katak, “hau dejeiju ita bo’ot sira, kumpri halo didiak, servisu halo didiak, hodi bele hetan informasaun ne’ebe mak, hau espera ita hotu bele tuir, ita hotu bele halo, hodi bele apoia ita nia dezenvolvimentu nasional”.
