Labarik Nia Saude Laos Opsaun, Maibe Obrigatoriu

Dili, Radio Online, World Vision ho parseiru dezenvolvimentu hamutuk ho komunidade no estudante, Lansa  programa konaba saude labarik, ho Tema “Labarik Nia Saude laos Opsaun, maibe ne’e Obrigatoriu” iha Kuarta, 6/5/15, iha Jardim 05 de Maiu, Kolmera.

Jose da Costa, nu’udar Corpo planing maneger ba progrma ne’e  hateten katak,  kampaña ida ne’e sei fo importansia liu ba labarik sira inklui inan isin rua.

“Liu husi kampaña ne’e atu husu mos apoiu no komitmentu ema tomak nia, atu oinsa bele servisu hamutuk hodi hamenus numeru kauza mate ne’ebe afeta ba labarik sira, hatun ba zero”,dehan Jose.

Nia mos akresenta tan katak, programa refere World Vision nia inisiativa rasik no sevisu hamutuk ho Ministeriu Saude, orsamentu ba programa ne’e kuaze ke $ 10 mil dollar.

“Programa ne’e sei la para no kontinua nafatin too hetan objektivu final, dadaun halao hela aktividade hirak ne’e iha distritu 3 Bobonaro, Aileu no Baucau, ami mos sei halao iha distritu sira seluk ne’ebe seidauk too”, tenik Jose.

Iha fatin hanesan Direktora Nasional Saude Komunitaria, Isabel Gomes hateten, hau kontente tebes, World Vision iha inisiativa ne’ebe mak diak tebes atu desamina imformasaun ba ema hotu hodi fo importansia ba saude labarik nia.

“ World Vision hanesan parseiru Ministeriu Saude ne’ebe mak diak iha kolaborasaun no partisipasaun atu kontribui  ba dezenvolvimentu iha area saude nian, liu husi programa sira ne’e hodi bele reduz tasa  mortalidade maternu, tasa mortalidade infantil”, dehan Isabel.