Haforte Kapasidade Media, Guvernu Apoiu Orsamentu Ba Media

Dili, Radio Online,  Atu haforte liu tan kapasidade media, Guvernu Liu husi Sekretariu Estadu Komunikasaun Sosial (SEKOMS),  fo Apoiu orsamentu Ba orgaun  Komunikasaun Sosial iha Timor-Leste liu husi Fundu Transferensia Publiku.

Iha biban ne’e sekretariu estadu Komunikasaun Sosial, Nelio Isaac Sarmento, husu ba Na’in Media sira atu utiliza diadiak apoiu ne’ebe guvernu fo hodi hadi’a diak liu tan kualidade media.

“Apoiu ne’e laos ba Moris diak Nain ba media sira maibe oinsa atu hadia liu tan media sira atu forte liu tan laos forte deit ba kritika maibe kualidade” dehan nelio Isaac liu husi nia abertura ne’ebe hala’o iha Sesta Feira 09/05/2015, iha salaun Koneferensia Sekoms

Nelio Isaac,  husu Nain media sira atu tau mos atensaun ba riku soin media nian, mak hanesan jornalista atu sira mos bele senti benifisiu husi instituisaun media ne’ebe sira rerbisu ba..

Iha sorumutu ne’e organiun Komunikasaun sosial sira asina mos akordu ho Sekretariu Estadu Komunikasaun Sosial, Nelio Isaac Sarmento, konaba fundu tranferensia Publiku.

Orgaun Komunikasaun sosial ne’ebe hetan tulun husi guvernu liu husi fundu tranferensia publiku mak hanesan media imprime, Media Elektronika balun inklui mos asosiasaun jornalista, AJTL( Asosiasaun Jornalista Timor Lorosa'e)

Soru mutu ne’e hala’o mos despedida ba jornalista na’in sia mak husi, Diario Timor Post, Jornal Nasional Diario, Focus, Matadalan, Indepedente, Suara Timor Lorosa’e, Bisnis Timor,   ne’ebe semana oin , sei Desloka ba Jakarta Indonesia hodi tuir Formasan kona jestaun media nian durante semana rua iha Lembaga Pers Dr Soutomo (LPDS), Jakarta  Pusat.