FONGTIL Husu Governu Resolve Esbosu Kodiku Labarik

Radio, online - Forum Organizasaun Naun Govermental Timor Leste  (FONGTIL) husu ba governu atu asleira lalais hodi rezolve ba esbosu kodiku ba labarik sira vida iha nasaun ne’e.

Kestaun ne’e hato’o husi Asisten programa protesaun  ba Labarik,  Honorio Soares Almeida  liu husi konferensia da emprensa ne’ebe halao iha edifisiu FONGTIL, Kaikoli Dili, Tersa(9/8/).

Hanorio hatutan, FONGTIL hanesan sosiedade sivil  hato’o pozisaun kritika ba iha esbosu kodiku labarik nian nebe oras ne’e  iha Konselho Ministro, ne’ebe seidauk halo diskusaun no lori ba Parlamentu Nasional hodi halo diskusaun.

“Iha fulan hirak liu ba sosiedade sivil hato’o ona submisaun ba iha Ministeriu Justisa  atu hare no analiza kontidiu prosesu ba kodiku ne’e rasik,”nia informa.

Asisten programa ne’e hatutan,  sosiedade sivil   nia  hanoin katak iha kodiku ne’e rasik  artigu  balun  ne’ebe  la fo benefisiu diak ba interese  labarik. Tuir  perspektiva komisaun la barik ba TL ratifika ona.

Kodiku labarik hanesan instrumentu ida  atu responde  ba nesesidade importante labarik sira nian , atu responde interese diak ba labarik sira iha futuru no mos  kodigu  labarik mak lei importante tebes. Ba oin sei estabelese no hatur regulamentu sira kona ba direitus no liberdade fundamental, kona ba  labarik hotu  iha nasaun ne’e.

“Ami hafanun ba governu  konaba sosiedade sivil nia pozisaun ba esbozu labarik nian. Artigu sira ne’ebe la kobre iha kodiku ne’e  importante e tenki hatama iha kodiku ne’e atu nune’e  bele responde  ba situasaun no ejijensia labarik sira,”Honorio apela.

Foin lalais ne’e estudante UNTL liu husi fakuldade ekonomia halo peskiza hodi indentifika iha labarik nain 10 mak kondisaun ekonomia at liu hodi dader ba eskola lokraik tenki fase kareta. Aktividades ne’e kuaze lorloron.

Ho ida ne’e estudante Fakuldade ekonomia, husu ajuda husi UNICEF hodi fo tulun ba labarik nain 10. Ajuda humanitariu mak hanesan fahe kadernu, lapizeira no osan.

Estadu Timor Leste aprova konvensaun direitus labarik nian ne’ebe mak regula husi UNO. Hodi hadiak liutan kondisaun labarik nian presiza mos governu rezolve esbozu ba labarik tuir kondisaun labarik iha nasaun.

Iha realidade, Timor Leste ukun-an tinan 10, kuaze iha kapital Dili labarik barak mak abandona sira nia eskola hodi buka osan ho aktividades, fa’an sasan ko tiga roda, fa’an manu tolun, fase kareta no tane liman iha loza oin no otel sira nia oin ba ema estranjeitus. Hirak ne’e hotu estadu tenki fo atensaun, labarik sira nia futuru.