Prepara jornalista ba compete iha Balibo Five Award, Asosiasaun Jornalista Timor Leste AJTL organija treinamentu ba jornalista sira foka ba hakerek feature hahu husi loron 3-7/8/2015 iha Hotel Vila Verde Dili
Presidenti AJTL, Tito Filipe, haktuir katak treinamentu loron lima ne’e foka liu ba hakerek feature tamba treinamentu kona ba hakerek feature sei menus tebes ba jornalista sira, e jornalista barak mos menus iha hakerek ho jeitu feature.
Iha seremonia intrega sertifikadu, reprejentante husi SECOMS, Otilio Ote fo hanoin katak hakerek feature hanesan featuring ka konta sai saida mak hare no sinti e rona, nune’e ho konhesementu ne’ebe hetan, jornalista sira tengke barani atu implementa konhesementu ne’e hodi hakerek iha jeitu feature.
Partisipantes treinamentu Yohanesan Fernandes husi Jornal Nasional Diario, haktuir katak treinamentu ne’e diak tebes no foka duni ba asuntu sira ne’ebe nia persija nune’e bele tulun atu hakerek ho diak liutan iha futuru
Jornalista ho total ema nain 20 husi midia elektronika no printing e online mak partisipa iha treinamentu ne’e.
