Selebrasaun 500 Anos Katolika Iha Timor, Sekertariu Estadu Vatikanu Vizita Timor

Selebrasaun 500 Anos Khatolika Iha Timor, Sekertariu Estadu Vatikanu Vijita Timor, lia hirak ne’e informa husi Padre Luis Vonaparte Do Rego ba jornalista sira iha Aero Portu Nikolau Lobatu iha loron 13/8/15

Padre Luis Vonaparte Do Rego hatutan“Cardeal ida mai ne’e nia naran cardeal Pietro  Parolin, Cardeal ida ne’e Sekertariu Estadu Vatikanu katak asuntu estadu vatikanu ninian nia mak halo konta hotu  “.

Padre Luis Vonaparte Do Rego mos haktuir mensajen ba sarani sira katak “buka oinsa mak moris tuir espiritu kristu ninian katak espiritu ida ne’ebe mak hatene atu bele moris tuir jesus ninia hanorin mak hadomi malu”. 

Hafoin to’o Timor, Kardeal Pietro Parolin, vizita estatua Papa Joao Paulo II Tasi Tolu, no selebra  misa iha Seminariu Maior Fatumeta hamutuk ho seminarista sira.

Iha loron 14/08/2015, kardeal Pietro Parolin halao sorumutuk bilateral delegasaun Timor-Leste ho delegasaun Vatikanu iha Palasio Guvernu no asina mos akordu nebe estabelese kuadru Juridiku kona ba relasaun entre RDTL, Santa Se no Igreja Katolika, informasaun ne’e informa husi Permeiru Ministru Rui Maria Araujo, liu husi konferensia imprensa, hafoin ingkontru no asina akordu, “igreja katolika inportante tebes iha area formasaun moral no edukasaun iha ita nia rai laran nomos sai nudar mata dalan iha  aktividade seluk ne’ebe iha karakter social no edukativu nian, Governu Timor-Leste ofrese ona ba Santa Se rai ida iha Motael depois sei hari’i nunsiatura Santa Se ninian”, dehan PM. 

Kardeal Pietro Parolin, too Timor iha loron 13/8/15, no tun iha aeroporto Internasional Nikolau Lobatu  iha tuku 2:30, simu husi Bispo Dioseze Dili, Dom Basilio do Nacimento no Bispo Dioseze Maliana, Dom Norberto Amaral.