Dili, Radio Online_Marsa ho naran Jornada Istoriku ne’e haao husi estudante universitariu no jerasaun patrotas sira ho objectivu atu aprende husi istoria no banati tuir isforsu ba libertasaun hodi dejenvolve nasaun Timor ba future ne’ebe diak iiu.
Iha seremonia despede estudante universitariu no jerasaun patriotas sira iha Palasiu du Guvernu, iha 15/8/2015, tuku 19.00 OTL, Vise Ministru Edukasaun, Abel Ximenes, iha diskursu haktuir mos istoria kona ba FALINTIL iha tinan 40 ba kotuk katak “jornada istoriku ne’e importante tebes, tamba iha tinan 40 ba kotuk, Comite Central da FRETILIN halo desijaun ida bo’ot teb-tebes, historiku e stratejiku, para depois husi Dili retirada ba Mota Ulun, Mota Ulun ba Aileu iha dia 14, no iha dia 15 iha Aiseremou halo deklarasaun insurisaun Armada, iha dia 17 Comite Central maka diriji prosesu tomada da kompania Centru Instrusaun Aileu, dia 18 de Agustu romada de kompania Maubisi, e depois militares sira, asuwain sira iha Dili, Comando Rogerio Lobato, deklara sira nia an iha dia 20 Dili kontroladu”.
Vise Ministru Edukasaun ne’e espera ho jornada istoriku ne’e, iha prosesu de kaminhada hus Dili to’o Aileu, bele lori estudante no foin sae sira atu bele involve an ho diak no forti liutan iha prosesu hari nasaun.
Rogerio Tiago Lobatu, Eis Ministru da Justisa ne’ebe partisipa iha seremonia despedida ne’e mos haktuir ba estudante sira katak “onra bo’ot ida ba hau atu to’o mai iha ne’e, atu koalia ho imi, marsa ne’ebe imi atu halo orsida madrugada, husi Mota Ulun ba iha Aileu, ne’e ita bele dehan katak akontesementu ida istoriku teb-tebes, tamba FALINTIL nia hun mosu husi Mota Ulun, iha jornada istoriku ne’e imi sei kolen, husi kolen ida ne’e imi sei hanoin oinsa saida mak ita nia FALINTIL iha ai-laran durante tinan 24, sae foho tun foho, tiru malu ho Indonesia sira, dala ruma tengki halai para ema labele kaer sira moris, bainhira imi halo marsa ida ne’e imi sei sinti terus ne’ebe sira hetan iha tinan 24 nia laran, ba libertasaun”.
“imi foin sae, imi mak kontinuadores” dehan Rogerio.
Jornada Istoriku ne’e partisipa husi Jerasaun Patriotas grupu 14, UNTL 30 pesoas, IOB 29 pesoas, UNDIL 10 pesoas resin no UNITAL 10 resin, molok halao marsa, estudante no foin sae sira sei halo akampamentu iha Mota Ulun.
