Aileu, Radio Online_"Husi Aileu hahu revolusaun armada hodi orienta ba independensia nasional ho libertasaun total povu maubere", lia hirak ne’e haktuir husi Virgilio Smith, Presidenti Komisaun Organijadora ba komemorasaun loron FALINTIL ba dala 40, hafoin remata seremonia hasae bandeira FRETILIN no FALINTIL iha monument Insurisaun forsa armadas, iha Aiseremou, Aileu, iha loron 16/8/2015.
Iha fatin hanesan Administrador Munisipiu Aielu, Martinu Matos, haktuir lia fuan hanesan katak “husi Aileu hahu funu ba libertasaun hasoru inimigu,”.
Administrador ne’e hatutan katak “ohin ita hasae bandeira FRETILIN nian ho bandeira FALINTIL nian ba dala 40, komemora loron FALINTIL nian, hatene katak, iha fatin ida ne’e maka ita nia saudoju Nikolau Lobatu halo proklamasaun ba insirusaun armada, fatin ida ne’e istoriku, ohin ita komemora hasae bandeira e FRETILIN senti orogulhu teb-tebes, ohin loron bele rekonhese ita hanesan estadu de soberania ida e tamba ho FRETILIN ohin ita bele hetan libertasaun ba nasaun e ida ne’e maka hanesan istoria ba iha mundu, mundu ohin loron bele rekonhese ita hanesan estadu de soberanu ida, nasaun soberanu ida”.
Seremonia hasae bandeira FRETILIN no FALINTIL hahu halao iha tuku 08.00 OTL dader.
