Dili, Radio Online_“Iha parte ida difisil, maka kalan, tamba ita liu husi mota, tengki kuidadu an iha mota laran, maibe parte ida, ita bele hanoin hikas fali, ita nia FALINTIL sira” dehan Juanilda da Costa, estudante IOB ne’ebe partisipa mos iha Jornada historiko, iha loron 16/8/2015, iha suku Liurai, Munisipiu Aileu..
Nune’e mos ho Nelson de Jejus Soares, estudante UNTL, katak “senti kolen maibe konntenti tamba iha kolen nia laran, ita hanoin, ita nia luta nain sira momentu halo funu no horikalan iha fatin akampamentu Mota Ulun, ami konsege rona istoria husi luta nain sira ne’ebe sei moris, kona ba sira nia esperensia uluk halo funu to’o agora, maske ami la deskansa maibe ami hakarak kontribui duni ba aniversiriu FALINTIL ba 40”.
Entertantu iha parte seluk Orasio da Costa Guteres Cabral, Senadu Jeral Universidade Dili la menta ho servisu komisaun organijadora ne’ebe la prepara fatin ba estudante sira atu hamahan an iha Aileu.
Relasiona ho ketaun ne’e Virgilio Smit, Presidenti Komisaun Organijadora la fo komentariu wainhira jornalista konfirma.
Jorge Alves, Komisaun Organijadora Jornada istoriku Mota Ulun Aileu rekonhese katak lamentasaun ne’e los akontese.
Marsa ho naran Jornada istoriku ne’e hahu iha tuku 04.00 madrugada husi Mota Ulun Dili no to’o iha Aiseremou Aileu iha tuku 17.00 loro kraik.
.Jornada Istoriku ne’e partisipa husi Jerasaun Patriotas grupu 14, UNTL 30 pesoas, IOB 29 pesoas, UNDIL 10 pesoas resin no UNITAL 10 resin, molok halao marsa, estudante no foin sae sira halo akampamentu iha Mota Ulun.
