Selebra Loron FALINTIL, Halo’ot No Halirin Meik No Kroat

Aileu, Radio Online_Selebrasaun loron FALINTIL ba dala 40, halao mos ritual kulturais, iha suku Liurai, uma lisan Dom Bau Meta, hodi halo’ot no halirin meik no kroat ho nune’e Timor sei hakmatek iha paz no domin e sei laihatan hatudu liman no kroat ba malu.

Iha tinan 40 liu ba ritual kulturais ne’e halao ho objective 3 mak hanesan, permeiru, atu halo autoridade malae Portugal sira neon beik bilaan tiha atu nune’e FRETILIN bele desarma tropas iha kompania Aileu, no realija duni ho susesu iha loron 18/8/1975 segundu, ofisialmente hatun meik no kroat husi uma lulik hotu hodi halo funu no ikus liu fo bua malus lulik ba asuwain FALINTIL hanesan seguransa  spiritual hodi avansa ba linha du fogo funu nian.


Iha loron 16/8/1975, uma lisan Hohunu, Rai Mansu no Osluli, sentralija iha uma fukun Dom Bau Meta, suku Liurai Aileu, hodi halao seremonia ritual kulturais oho karau hitu, Karau mean 1, bibi mean 1, fahi mean ida, manu mean 1, hodi tu’u dima ida, surik ida no rama ida ba hali hun lulik iha uma fukun Dom Bau Meta nia oin.
Ritual ne’e partisipa husi Komandante da Luta, Xanana Gusmao.